“Ita UPF nafatin prontu atu asegura seguransa ba eleisaun prezidensiál iha segundu volta, maibé ita sei hein rezultadu legál husi Tribunál rekursu kona-ba eleisaun segundu volta nian, tanba ne'e UPF prontu nafatin hodi fó apoiu ba komandu munisípiu 13, kualker orden mak hatun, UPF nafatin kumpri”, dehan Komandante UPF, Superintendente Euclides Belo, iha Sentru Formasaun Polísia, Komoro, kinta (24/03).

Portantu situasaun eleisaun prezidensiál ne'ebé liu dadaun ona hahú husi kampaña to’o remata, iha fronteira la'o di'ak tebes. Tanba husi UPF servisu hamutuk ho Komandu Munisípiu tolu, liuliu komandu munisípiu Bobonaru, Suai, RAEOA hamutuk hodi fó seguransa másimu iha festa demokrasia ne'e.

“Tanba durante kampaña no eleisaun ne'e situasaun iha fronteira la'ós di'ak tebes, e nune'e mós ita iha kooperasaun ne'ebé di'ak tebes, espesialmente iha Bobonaru, liliu Unidade Espesiál ne'ebé destaka iha fronteira hamutuk ho UPF ne'e, ita iha kolaborasaun di'ak ho komunidade no autóridade lokál sira nune'e ohin loron situasaun iha ne'eba la'o di'ak nafatin”, dehan nia. (*)