Akontesementu ne’e, iha loron 16 fulan-marsu tinan 2022 (horseik) purvolta tuku 12:00 parte kalan, rezulta janela karreta parte loos rahun, tanba tuda, inklui pasajeiru na'in-ida hetan kanek.

“Kuandu iha ona relatóriu komandu sei buka tuir ninia autór sira, ita presija rona lolos lai informasaun husi komandante eskuadra no Ofisiál Polisía Suku (OPS),” dehan Komadante PNTL Baukau, Superintendente António De Sá, hafoin partisipa misa selebrasaun São José iha katedral vila antiga Baukau, kinta (17/03).

Dadaun, Komandu PNTL Baukau kompostu husi forsa Unidade Espesiál, Task Force, OPS no Polísia eskuadra sira kontinua halo patrollamentu oras 24 nia laran hodi asegura kualkér situasaun iha Munísipiu Baukau. (*)