"Maun Xanana nia kualidade lideransa, ba MAQURA-X sei konfia katak, nia sei bele halo buat seluk ke di'ak", dehan nia iha salaun Dom Bosko Komoro, sábadu (15/01).

Tanba atu untrapa situasaun ne'e mak, kualidade lideransa ida ne'e mak MOQURA-X presiza, la'ós  kontente ho ida lorloron hamutuk la’e.

"Ita presiza lideransa ida ne'ebé mak nia tenke iha kualidade lideransa, tenke asegura ema hotu, apezar o gosta nia, la gosta mós, nia desizaun halo o tau iha fatin ne'ebé dignu, ida ne'e mak ita presiza lideransa", katak nia.

Nune'e, MOQURA-X define nia metas ne'e iha kurtu prazu la'ós aseita de'it Xanana atu ukun, maibé apoiu para hamutuk hodi lori situasuan ida ne'e utrapasa,  impase ne'e utrapa, tanba parte politik balun ko'alia sira-nia vantajen katak situasaun di'ak hela, mas iha kraik enfrenta situasaun ne'ebé inserteza.

"Ami iha media prazu MOQURA-X sei reunu nafatin ami-nia forsa hothotu atu haree MAQURA-X nia existensia vota nafatin ba eleisaun partidu sira ka, ou nia tenke halo fiskalizasaun ba votu ne'ebé fó liu ba proriu maun Xanana rasik nia partidu", haktuir nia.

Eis Prezidente Repúblika, José Manuel Ramos Horta hatete, nia parte partisipa  iha Konferénsia ne'e, movimentu veteranu ida ne'e, resisténsia partidu politika lubuk ida, ke apoiu Xanana Gusmão.

"Sira konvida ha'u atu loke Konferénsia atu ko'alia, tema mak apoiu maun Xanana no ha'u iha ne'e tanba ida ne'e duni, tanba iha tinan 5, tinan 10 mai ne'e, ha'u fiar ke di'ak liu rai ida ne'e, entrega lideransa rai ida ne'e ba Maun Xanana, tanba dezafiu barak los", relata Ramos.

Dezafiu situasaun interna, ekonomia, dezafiu ba governasaun, retifikasaun problema ne'ebé akontese iha parlamentu ho prezidente repúblika, dezafiu boot kona-ba tasi mane, kadora, grites sunrise mai Timor-Leste no adezaun Timor-Leste ba asean. 

Enkuantu, Sekretáriu Jerál Interinu partidu CNRT, Jacinto Rigoberto hatuta, nu'udar partidu boot ho lideransa karismatiku Kay Rala Xanana Gusmão, sente laran metin tebtebes, ho prezensa movimentu barbarak ne'ebé deklara ho sira-nia vontade rasik hodi apoiu Xanana ho nia partidu CNRT.

"Ohin iha ita-nia leet movimentu MAQURA-X, ne'ebé mak rejistu ona iha Partidu CNRT e partidu CNRT akompaña MAQURA-X ninia atividade no organizasaun ida boot no ami hatene maito bem katak MOQURA-X nia determinasaun tebtebes atu apoiu ba maun boot ho partidu CNRT", hatete nia.

Ho ida ne'e hodi partidu nia naran apresia no agradese ba inisiativa kuadru lideransa hothotu ne'ebé mak ho sira-nia inisiativa rasik hodi hari’i movemimentu, hodi fó apoiu ba maun boot ho partidu CNRT.

"Ida ne'e hatudu katak, sidadaun hotu, polulasaun hotu, maioria preokupa ba situasaun rai laran ne'ebé hasoru hela dezafiu no obstaklu boot, sira lakoi povu no rai doben ida ne'e atu terus iha sofrementu nia laran to'o tempu naruk", esplika nia.

Tan ida ne'e momentu oportunu ona atu tama ba festa demokrásia, kada individu kada grupu deside sira-nia an atu haree figura no partidu ida ne'ebé mak bele garantia lori hikas Paz, estabilidade, hadi’a ekonomia rai laran ninian.

"Sira haree katak CNRT úniku partidu bele solusiona situasaun sira ne'e, hanesan uluk CNRT solusiona tiha ona iha 1999, iha 2006-2007 e agora CNRT mak partidu alternativa ne'ebé mak bele solusiona situasaun difísil ida ne'e hodi restaura hikas ita-nia soberania Estadu ida ne'e", afirma nia. (*)