"Sua eselénsia primeiru Ministru (PM) sei vijita ba Munisípiu sira hahú iha dia sete (7) de Janeiru kalendáriu tentantiva ne'e hahú iha dia sete iha tempu balun dader primeiru ministru iha Munisípiu ida loraik iha Munisípiu seluk”, dehan Ministru Miguel ba jornalista sira hafoin reuniaun ho PM Taur iha Rezidénsia, Faról, tersa (28/12).
Durante loron hitu (7) ne'e sei halo Vijita iha Munisípiu sira iha Timor laran tomak inklui mós Rejiaun Administrativa Espesial Oekussi Ambeno (RAEOA)..
"Agora assuntu ne'ebé mak sua eselénsia Primeiru Ministru atu reuni ho Autoridade Lokál sira, nomós lideransa komunitária hotu nomós komunidade enjerál sira ne'ebé hela besik iha sentru de sidade, para ita-nia primeiru Ministru hakarak ko'alia ho assuntu eleisaun prezidensiál rasik, pandemia Covid-19 ho nia aktus sira, planu Governu nian atu fó solusaun ba pandemia ida ne'e nomós dezenvolvimentu komunitaria enjerál iha suku nia laran”, esplika nia.
Aliende ne’e, sei ko'alia mós kona-ba programa nasionál dezenvolvimentu suku (PNDS), inklui bee-moos, no mós programa báziku sira kona-ba nesesidade ne'ebé povu enfrenta iha terrenu. (*)