“Ami kontinua apoia ba Governu liliu STAE ho orsamentu millaun US$4 atu finansia atividade eleisaun tinan oin (2022) bele la’o ho imparsiál”, dehan nia iha Timor Plaza, kuarta (22/12).

Diretór Jerál STAE, Acilino Manuel Branco rekoiñese,  eleisaun Prezidénsia ne'e hetan mós apoiu husi parseiru hanesan Governu Japaun no UNDP, nomós parseiru sira seluk ne’ebé mak fó apoiu entermus lojisitika, finanseiru no rekursu.

"Tanba durante ne’e, Japaun ho UNDP nu’udar parseiru ida ne’ebé mak besik tebes orgaun eleitorál rua ne’ebé mak fó apoiu iha área sira oioin. liliu Apoiu sira ne’ebé la’o hela mak atu hari’i edifísiu STAE-CNE nian iha munisípiu ida ne’e parte ida ké tulun tebes para depois orgaun eleitorál rua bele iha di'ak liután kondisaun para hala’o ninia funsaun sira ho di’ak liután”, dehan nia.

Purtantu kona-ba preparasaun eleisaun 2022 ne'se, agora dadauk kuaze kobre ona iha territóriu tomak inklui rai liur.

Tanba, tuir aprezentasaun ne’ebé mak Diretór STAE Munisípiu 12 inklui RAEOA halo ne'e, sira-nia rezultadu preparasaun pozitivu tebes no la’o iha aspeitu oioin. (*)