“Ha’u sente sokadu, triste no lamentável tebes, wainhira rona notisia tristeza kona-ba Amu Bispu Baukau Dom Basilio do Nacimento nia mate ne'ebé derrepente de'it, ha’u la espera katak ita-nia Amu Bispu bele hasoru situasaun hanesan ne'e, maibé ne'e Maromak nia planu ita hotu la hatene”, dehan PM Taur liuhusi nia Komunikadu Imprensa ne'ebé www.twmpotimor.com asesu, sábadu (30/10).

Nune'e Governu Timor-Leste nia naran, hakarak hato'o profunda sentidas kondolénsia ne'ebé klean ba família hosi Amu Bispu nian em partikular, sarani Dioseze Baukau no Uma Kreda Timor-Leste ba lakon bibi atan di’ak ne'ebé serbii ona Dioseze Baukau besik tinan 25.

Lamenta tebes ho notísia tristeza ida ne'e maibé Maromak mak determina.

"Lamenta Bispu Baukau nia mate derrepente. Sua Eselénsia Primeiru-Ministru sente sokadu, triste no lamentavel ho notisia tristeza kona-ba Bispu Dioseze Baukau, Dom Basilio do Nascimento nia mate derrepente, iha sábadu fim de semana ne'e”, afirma Taur.

Antes ne'e Bispu Baukau hamutuk ho Bispu Maliana Dom Norbertu do Carmo  fó ordenasaun ba diakonu na'in rua iha loron (28/10) maibé ohin nia hakotu iis tanba moras fuan. (*)