Vise Prezidente Parlamentu Nasionál (PN), Maria Angelina Sarmento hatete, prosesu diskusaun espesialidade, ba Projetu-lei númeru 29/V(3a) kona-ba Protesaun Labarik no Foinsa’e iha perigu, meza deside submete ba Komisaun F, tanba projetu lei refere hetan ona aprovasaun iha faze jeneralidade ho rezultadu votu a-favór 54.

“Nune’e projetu-lei iha faze jeneralidade aprovadu sei baixa ba Komisaun F atu kontinua diskusaun no nakloke ba komisaun relevante sira seluk inklui GMPTL”, dehan nia iha plenária PN segunda (20/09).

Projetu-lei refere inisia husi deputadu sira bazea ba rezolusaun Parlamentu Nasionál númeru 16/2003, 30 jullu, ne’ebé Timor-Leste retifika konvensaun kona-ba Direitu Labarik.

Enkuantu provizoriamente projetu lei ne'e ho artigu hamutuk 103, maibè ne'e depende ba planu ho hanoin sira ne'ebe sei mosu durante diskusaun iha espesialidade. (*)