Login to your account

Username *
Password *
Remember Me

Posibilidade PN Sei Hasai Osan Hadi'a Karreta Vise PPN Maria Angelina

Karreta Prado ne'ebe Vise Parlamentu Nasional (PPN), Maria Angelina Sarmento ho nia família uza hodi hetan asidente iha Postu Administrativu Laklubar, Munisípiu Manatutu. Karreta Prado ne'ebe Vise Parlamentu Nasional (PPN), Maria Angelina Sarmento ho nia família uza hodi hetan asidente iha Postu Administrativu Laklubar, Munisípiu Manatutu. Foto Suplay

Tempotimor (Dili)-Parlamentu Nasionál (PN) posibilidade sei hasai tan orsamentu hadi’a karreta ho xapa matrikula (PN 2) ne'ebé Vise Parlamentu Nasional (PPN), Maria Angelina Sarmento ho nia família uza hodi hetan asidente iha Postu Administrativu Laklubar, Munisípiu Manatutu.

Tanba karreta ne’ebé Vise Prezidente Parlamentu Nasionál (PPN), Maria Angelina Sarmento, hamutuk ho nia família monu ho kareta Parlamentu Nasonál nian iha loron kuarta (17/08) maizu menus tuku 8 kalan, área Bua-lo, aldeia Tori-lalan, Suku Orlalan, Postu Administrativu Laklubar, Munisípiu Mannatuto.

Adjuntu Sekretáriu Jerál Parlamentu Nasionál, João Rui Amaral hatete, tuir regra jestaun patrimóniu ne'e Parlamentu Nasionál mak sei hadi'a karreta deputadu nian maibé tenke iha justifikasaun.

“Iha regra Parlamentu ninian, jestaun patrimóniu ne'e Parlamentu hadi'a, mais tenke ho justifikasaun ne'ebé adekuadu entaun ita hadi'a”, dehan nia iha Parlamentu Nasionál, kuarta (24/08).

Tanba atividade kontaktu eleitoradu ida-ne'e nu’udar mós fasparte iha atividade PN nian entaun agora husi PN mós hein hela relatóriu husi Eskuadra Polísia Nasionál Timor-Leste (PNTL) ne'ebé besik fatin akontesimentu refere.

Nune'e kuandu relatóriu sira-ne'e to'o iha Parlamentu Nasionál mak superior sira iha Parlamentu sei haree hotu situasaun sira-ne'e atu foti desizaun hodi halo tratamentu maibé kuandu iha justifikasaun ne'e laloos mak Parlamentu mós sei tetu situasaun ida-ne'e.

Ba karreta no motorista ida-ne'e estatutu deputadu mak fó duni previléjiu ida-ne'e ba deputadu sira katak instituisaun tenke prepara kondisaun traballu ba sira inklui viatura no sira-nia servisu fatin ne'ebé ho dignu atubele halo sira sente konfortavel atu hala'o servisu.

Aleinde iha estatutu mós fó diretu ba kada deputadu ida atu rekruta rasik motorista ne'ebé tuir sira-nia konfiansa.

Maske asidente ne'ebé foin dadaun akontese ba Vise PPN, Maria Angelina Sarmento konforme ema hothotu rona dehan katuasoan mak lori karreta.

Maibé hanoin katak, katuas oan mak lori karreta, dalaruma iha momentu ne'ebá deputada nia motorista iha há impedimentu ruma labele hala'o nia kna'ar atu konduz kareta entaun deputada iha diretu nomeia nia katuasoan atu kaer karreta.

“Agora ida-ne'e kabe ba Vise Prezidente ou deputadu ida-idak atu eskolla se mak atu lori sira-nia karreta”, esplika nia.

Purtantu iha Parlamentu Nasionál mós atividade na kontaktu eleitoradu ne'e iha programa ida mak deputadu sira sempre hala'o iha semana nia rohan no bele uza karreta PN nian.

Tanba realidade ne'ebé sira babain uza, laiha problema, sira uza tuir responsabilidade, ida-ne'e mós la'ós tanba rejimentu mak fó dalan tanba rejimentu ne'e ko'alia liu ba funsionamentu normál PN nian.

Maibé estatutu deputadu ne'ebé iha, ida-ne'e mak fó biban ba deputadu sira atu utiliza kareta PN tanba iha ne'eba hatete katak Parlamentu Nasionál tenke prepara karreta ba deputadu, no sira iha diretu ba transporte ne'ebé ho dignu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter