"Konfinamentu obrigatóriu ne'e tanba variante delta ne'ebè dehan mosu ne'e, (mais não sei) ita-nia materiál teste buat ne'e oinsá mak sira bele julga atu vairante delta ne'e afeta ona iha Timor", dehan nia iha Parlamentu Nasionál (PN), sesta (27/08).

Deputada Bankada CNRT, Bendita Magno hatete, saida mak Bankada CNRT ko'alia durante ne’e akontese daudauk ona, tanba Governu liuhusi Ministériu Saúde deklara katak variante Delta tama tiha ona mai Timor-Leste, la hatene variante ne’e tama husi ne’ebé.

Haree ba situasaun durante ne'e, tanba derepente de’it variante delta mosu ona iha munisípiu Ermera, no ikus mai tama mai iha Dili.

Ho ida ne'e, informasaun ne’ebé Bankada CNRT hetan katak ekipa husi Ministériu Saúde ne’ebé ba halo vizita iha munisípiu Ermera maka lori variante Delta ne’e tama mai Dili.

"Maibé hothotu nonook de’it, laiha ema ida mak hakarak foti responsabilidade, no to’o ikus, buat hotu tau todan ba povu nia leten, katak povu mak ba halo atividade ilegál iha fronteira mak lori Delta tama iha Ermera", dehan nia. (*)