Tanba OJE dadaun ne'e iha faze avaliasaun iha rezultadu e la'ós de'it ba nível ezekusaun orsamental maibé ligasaun mós ho ezekusaun orsamental ne'ebé sei iha faze diskusaun maka’as.
“Agora nível global pursentu 32,8 e ami fiar katak ba oin ninia fulafulan ezekusaun ne'e sa'e, mais la bele iha garantia katak to'o iha fin do ano ne'e, ita bele ezekuta hotu ne'e normál, naturalmentame ida ne'ebé la ezekuta hotu bele ba fali kobre estadu”, infoma Taur hafoin reuniaun ho Prezidente Repúblika, Francisco Guterres 'Lú Olo', iha palásiu prezidensiál Bairopite, kinta (08/07).
Aliende ne’e informa mós ba Prezidente Repúblika kona-ba diskusaun rezultadu jornada orsamental foin dadauk ho nia konkluzaun tetu orsamentu tinan 2022 ne'ebé hasai nia proposta billaun US$1.5.
“Ezekusaun orsamentál to'o horisehik (07/07) pursentu 32,8, ha'u dehan kona-ba orsamentu ha'u la bele ezije maibé kada Ministériu ida husu osan nia hatene nia kbi’it atu ezekuta osan ne'e oinsá e bainhira la ezekuta hotu naturalmente tenke filafali ba kofre estadu”, esplika Taur. (*)