Hafoin remata votasaun iha jeneralidade, Prezidente Parlamentu Nasionál (PN), Aniceto Longuinhos Guteres Lopes, deklara iha plenária hodi halo tan votasaun ba pedidu autorizasaun proposta refere hodi haruka ba Komisaun C ne’ebé trata asuntu Finansa Públika atu halo deskusaun iha espesialidade.

Pedidu refere hetan votu a-favór 44, kontra 0 no abstensaun 17, nune'e tersa (6/7) meza Parlamentu Nasionál haruka kedan proposta Lei Enkuadramentu Orsamental ne'e ba komisaun C.

“Proposta-lei enkuadramentu orsamentu estadu no jestaun finanseira públika pasa iha jeneralidade. Nune’e proposta-lei ne’e haruka ba Komisaun C hodi halo diskusaun iha epesialidade, plenária hein votasaun finál globál”, informa Aniceto Guterres iha plenária, PN, tersa (06/07). (*)