"Taxa ezekusaun reál OJE 2021 nian, esklui kompromisu no obrigasaun sira, to’o loron 28 fulan-maiu, atinje ona 22%, maske Timor-Leste atravesa hela surtu COVID-19, ho impozisaun serka sanitária no konfinamentu obrigatóriu”, dehan Ministru Prezidénsia Konsellu Ministru (MPKM), Fidélis Leite Magalhães Ministériu Finansas, Ai-tarak Laran, kuarta (02/06).
Iha somutu entre membru Governu ho Primeiru Ministru, Taur Matan Ruak hetan aprezentasaun husi Ministru Finansas, Rui Gomes kona-ba kalendáriu preparasaun OJE 2022 nian hanesan jornada orsamentál.
Tanba ne’e, hanesan semináriu ida ne’ebé kada tinan define prioridade sira ba OJE hala’o iha loron 29 fulan-juñu oin mai.
Haree ba Projetu Proposta Lei tinan 2022 tenke aprova husi Konsellu Ministrus iha loron 17 fulan-setembru no entrega ba Parlamentu Nasionál iha loron 1 fulan-outubru
Iha mós Aadensia sira entre Governu no Parlamentu Nasionál sei hahú iha fulan-novembru nia-rohan no diskusaun iha jeneralidade no espesialidade sei hala’o iha fulan-dezembru. (*)