"Ha’u hatene imposivel atu kontrola 100% iha fronteira, mais esforsu maka'as liután ita sei bele evita, liliu
tenke taka fronteira metin no fo multa todan ba ema sira ne'ebé viola lei, liuliu regra Estadu Emerjénsia no lei imigrasaun tama ilegál iha fronteira”, dehan Horta hafoin enkontru ho Prezidente Repúblika iha Bairro Pité,tersa (30/03).
Haree ba esforsu governu ho nia intervensaun ne’ebé di'ak hahú kedan fulan-fevereiru no marsu tinan 2020 to'o agora TL la rezista kazu mate kona-ba Covid-19.
Tanba ne'e, konkorda ho reiuniaun konselu superior defeza no seguransa (KSDS) no konselu estadu (KE) ne'ebé atu renova EE ba dala-12 iha Timor-Leste(TL).
"Ha'u konkorda hodi estende tan serka sanitária (SS) ne'e iha T-L atu nune'e ita bele evita moras aat ne'e iha ita nia rai”, haktenik nia.
Husi esforsu governu nian dadaun ne’e prepara hela osan hodi sosa aí-moruk Vasina AstraZeneca.
“Vasina mós atu mai dadaun, entaun tenta kontrola didi’ak no koopera hamutuk ho Ministériu Saúde hodi nune'e ita bele evita lalais pandemia Covid-19 iha TL”, afirma.(*)