Tanba, pasiénte komfirmadu moras Covid-19 sira iha sala izolamentu sidauk mosu kazu grave, hanesan iha nasaun sira seluk, maibé preparasaun presiza duni halo.

"Fó hatene ba públiku katak, labele pániku ho medida ida ne'e, por que ita hotu hatene, iha ita-nia felizmente sidauk iha obitus, maibé haree husi paizes parak nian, medida ne'ebé mak sira foti emrelasaun ho obitus, ita bele dehan, ultrapasa tiha ona sira-nia kapasidade atendimentu, áte balun lori ho makina hatama de'it, ita hein katak, ita labele tama iha situasaun ida ne'e”, dehan Aluk hafoin sorumutu ho Primeiru Ministru, Taur Matan Ruak iha palásiu governu, sesta (26/03).

Governu iha hanoin ne’ebé di’ak ho preve medida hirak ne'e, ho hanoin ida, karik, ema sira ne'ebé moras Covid-19 mate, tenke hakoi ho dignu.

"Tanba ne'e mak forsa tarefa reasaun rápida atu responde ba situasaun ida ne'e, preve medida sira ne'e, karik iha obitus ita iha ona minimas preparações para ita hakoi ita-nia ema ne'ebé hetan moras ida ne'e ho dignu”, dehan Aluk.

Preparasaun medida ne'e, la signifika pasiénte moras Covid-19 iha izolamentu balun grave ona, maibé presiza duni prepara kondisaun.

"La'ós dehan katak, foti medidas ida ne'e, purke ita iha ona maluk sira ne'ebé mak agora iha izolamentu balun hetan tiha ona situasaun ida ne'ebé nia gravidade aas liu ona, ita seidauk to'o iha ne'ebá”, afirma nia.

Antes ne'e, iha loron 25 fulanf-marsu tinan 2021, governu liuhusi ekipa konjunta Covid-19 fó ona treinamentu ba ekipa ne'ebé atu hakoi ema ne'ebé moras Covid-19 bainhira mate. (*)