Deklarasaun fó sai tanba haree ba situasaun pandemia Covid-19 ne'ebé oras ne'e dadaun Timor-Leste enfrenta no implementa serka sanitária no konfinamentu domisiliáriu Obrigatóriu iha Kapitál nasaun.

Tanba ne’e mak governu fó apoiu ba estudante sira ne’ebé hela iha kost ka aluga uma, tanba hetan difikuldade bainhira laiha movimentasaun BA Munisípiu.

"Apoiu ba estudante sira ita sei fó, maibé ita tenke hatene ema hira, nia hela iha ne'ebé, ninia problema ne'e saida, atu nune'e ita fó apoiu, tanba iha Timor-Leste barak mak hakarak aproveita situasaun sira hanesan ne'e tan ne'e ita presiza dadus kompletu no lós”, dehann Taur iha Palasíu Prezidensiál hafoin remata inkontru ho Prezidente Repúblika iha Bairro Pité, kuarta(17/o3)

Ministeriu Solidariedade Sosial no Inkluzaun(MSSI) sira mós prontu atu apoiu se de’it, Importante mak iha númeru konkretu no dadus konkretu atu nune'e estudante hothotu ne'ebé hela iha kost hetan hotu apoiu.

“Buat ne’ebé ita halo, bele halo no buat ne'ebé ita la bele halo, la bele halo, tanba ita halo ona iha Munisípiu Covalima entaun ha'u hanoin ita mós bele halo iha Dili ba ita-nia oan sira”, afirma Taur. .(*)