"Ami propoint mak aselera vasina ne'e, sosa vasina, halo vasina ba sidadaun sira ne'e inportante los," dehan Daniel iha Palásiu Prezidensial Nicolao Lobato Dili, Kuarta (24/02).

Daniel hatutan mezmu mosu dúvida iha públiku kona-bá efeitu hosi vasina, maibé importante mak rekomensaun husi Organizasaun Mundiál ba Saúde (OMS) nian relasiona ho efeitu hosi vasina.

Nia akresenta, dadaun ne'e iha 20% Timor-Leste hetan ajuda hosi parseiru sira no tuir Fongtil nia estimasaun 80% ne'ebé informa husi MS katak presija kuaze mullaun $15 para sosa vasina, tamba pakote ida hetan dollar $4.00 até dollar $8.00.

"Ita laiha osan barak, maibé rekursu oituan ne'ebé ita iha bele uza hodi sosa vasina atu salva ita-nia populasaun. Entaun ida ne'e mak ohin ami sujere urjente i governu tenki aselera lalais prosesu ida ne'e," dehan Daniel.

Fongtil mós rekomenda atu governu halo teste masal ka restreiu ba munisípiu hotu iha Timor-Leste, tanba hahú ona transmisaun lokál ba Covid-19.(*)