Ministru Administrasaun Estatál Miguel Perreira de Carvalho informa, kontratu ne'ebé asina ho kompania elite komputer ne'e, daudaun hakotu tiha ona. Ironia maka Ministru Miguel la esplika rekezitus ne'ebe MAE iha hodi fo manan ba kompania Elite computer.
"La to'o semana ida, ami rona notisia ne'e, Ministeriu kansela kedas kontratu ne'e", MAE hateten ba tempotimor.com hafoin partisipa diskusaun OJE 2021 faze espesialidade iha Parlamentu Nasional, Kinta (10/12).
Nia dehan, Ministeriu Administrasaun Estatál fó manan ba kompania elite komputer hodi oferese internet, tanba la hatene internet ne'e ilegal.
"Ministeriu la hatene buat ida kona-ba ida ne'e, nunka koiñese kompañia ne'e halo aktus ilegal ruma ou lae, sira tuir konkursu, bainhira ami rona ne'e iha problema, ministeriu kansela kedas kontratu", Nia afirma
Nia salienta, MAE asina kontratu ho kompania elit komputer hodi oferese internet ne'e, foin semana ida de'it mosu kedas kazu refere, entaun desidi kansela kedas.
"Kontratu foin asina la to'o semana ida, Kazu ne'e mosu, ne'ebe la fo orsamentu ou laiha despeza ruma mak ministeriu halo ba kompania ne'e", nia tenik.
Nune'e, dadaun Ministeriu Administrasaun Estatál (MAE) halo fali tender foun hodi oferese internet.
"Halo tender foun fali, kompania foun ne'e naran sidauk hatene", nia informa. (*)