Deputada ne’e hateten, deputadu na’in 21 husi bankada CNRT ne'ebé la marka prezensa iha debate OJE 2021, kuandu tutuir malu to'o loron 5 maka rejimentu Parlamentar Nasionál nian sei halo alarma ba sira.
Maski la temi artigu ne’ebé mak ko’alia loloos atu julga deputadu CNRT abandona plenária, maibé, Olinda afirma ida ne'e direitu sira nian no lei mak sei regulariza sira liuliu Rejimentu PN tanba sira husik kadeira mamuk durante debate OJE 2021.
"Kolega sira ne'ebé husik hela sira nia fatin ne'e diretu sira nian, maibé konta dala lima tutuir malu mak sira la mai iha ne'e ou asina lista prezensa, ne'e lei mak manda ona," Olinda hateten www.tempotimor.com iha PN, Sábadu (5/12).
Nia haktuir deputadu sira bele husik kadeira mamuk hanesan ne'e, maibé deputadu bankada governu, nian sei konsistente nafatin tuur, atu bele deskuti destinu povu nian liu husi aprovasaun orsamentu ida ne'e iha PN. (*)