Nune'e, Prezidente Parlamentu Nasional (PPN) Aniceto Guteres husu ba deputadu no deputada atu kumpre sira nian diretu tuir konstituisional durante debate.
Husi debate dahuluk ba OJE 2021 ne'e, nia konsidera importante atu PN hamutuk ho governu, hodi hare no tetu didiak, liu husi diskusaun kle’an, diskusaun franku, abertu no ho dignidade, antes orsamentu ne'e atu hetan aprovasaun ikus iha Parlamentu.
"Antes inisia debate ohin nian, ha’u konvida ita hotu, liu-liu distintu deputadu sira mai ita Kumpre ita nian dever no konstituisional, ne'ebé nu’udár lejisladór, no hala'o responsabilidade kooperante povu TL ne'e ita hotu reprezenta, hodi garante atu estadu ne'e la'o ba oin, hadia no haburas ekonomia, no lori esperansa ba dezenvolvimentu ba ita nian rain," PPN Aniceto Guterres loke diskusaun ba proposta OJE 2021 Segunda (30/11).
Husi debate proposta OJE 2021 ne'e Aniceto deklara nia parte sei lembra ho liafuan ne'ebe hasai husi deputadu Mariano Assanami iha ambitu debate OJE 2020, katak, OJE mak ran ba estadu, ran ba ekonomia no dezenvolvimentu ba ita nian rain.
Tanba ne'e nia dehan, daudun ne’e PN ezersse duni ninia kompeténsia no konstituisional atu Hala'o diskusaun no aprovasaun ba proposta OJE 2021, ne'ebé mak elabora husi governu ho montante bilaun $1.8.(*)