Deklarasaun deputadu PD ne’e relasiona ho programa sesta bazika ne’ebé governu hakarak implementa hahú husi fulan Novembru no Dezembru tinan ida ne’e.
Tuir nia, intesaun sesta bázika ne'ebé governu dadauk planeia di’ak, maibé governu tarde ona tanba tempu agora povu fokus produs sira-nia ai han.
"Sesta bazika ne'e intensun di'ak, maibé preparasaun la sufisiente, tanba programa darurat, ha'u dehan darurat ne'e tanba la devia buat ida be sesta bazika ne'e la'os foin mak hanoin agora, devia ne'e hanoin iha periodu de tempu ida ke kuandu deklara estadu de emrjensia," dehan nia iha Parlamentu Nasional, Kuarta (21/10).
Tuir nia, governu sente hanesan konfrontasaun boot ida ba atividade ne'ebé Xanana halo, tanba individu ida halo lori nasaun nia naran, enkuantu governate la halo ba nasaun.
"Iha estadu emerjensia ne’ebé maioria ne'e hanesan lakon ona sira-nia servisu, ne'ebé loloos iha tempu ne'eba governu informa antesipada tiha par povu ne'e hela hakmatek iha nia fatin, halo ona toos, buat hotu-hotu saida par ikus governu rekolla fila fali produtu sira, depois halo fila fali distribuisaun," dehan nia.