Assanami dehan, iha sorumutu refere, partidu rua koalia liu ba asuntu nasional hanesan Joven ne'ebé laiha servisu, edukasaun, saúde ne'ebé mak tenke fundamentu projeksaun ba futuru, no Covid-19 afeita krize ba mundial no Timor-Leste rasik.

"Ami la koalia oinsa mak PD iha fali governu i depois balun atu sai fali, laiha ida," dehan Assanami ba www.tempotimor.com iha Parlamentu Nasional Dili, Tersa (13/10).

Eis Ministru Agrikultura no Peskas ne’e dehan, TL hahú ho krize politika iha 2017 molok pandemia Covid-19 lao, nune’e TL hasoru nia krize rasik no mundial, tan ne’e PD tenke tau enerjia no forsa atu lao hamutuk maske diferensia iha PN kontinua.

Assanami hatutan, mesmu diferentes iha prinsipiu, maibe PD nia pozisaun mantein nafatin promove diálogu.

"PD mantein promove ida ne'e, partidu se deit, ami buka atu koalia hatur interesse estadu nian, ne'e mak PD tenki halo,” nia hatete.