PM Taur hateten, dadaun ne'e governu sentrál seidauk simu lista kandidatu membru autoridade RAEOA ne'ebé sei polémika iha públiku.
Nune'e, Xefe Governu husu ba Prezidente RAEOA, José Luis Guterres 'Lugu', atu viabiliza lista ba Konsellu Ministru atu foti desizaun.
Pratikamente seidauk, tanba ne'e PM Taur prekupa no husu atu prezidente autoridade halo esforsu hodi aprezenta, tanba normalmente estrutura tenke ba iha Konsellu Ministru.
"Proposta mai husi ne'ebá (RAEOA) mas desizaun iha Konsellu Ministru, enkuantu seidauk mai, desizaun seidauk iha," dehan Taur, iha Palásiu Prezidensiál, Bairru-Pité, Kinta (6/2).
Entertantu, antes nee, Prezidente RAEOA, José Luís Guterres deklara, nomeasaun membru autoridade RAEOA iha hela prosesu, tanba sei hein resposta husi partidu polítiku balu.
Too agora partidu balun mak resposta ona, tanba ne'e tuir Lugu bainhira kompletu ona sei halo nomeasaun. (*)
Primeiru Ministru Taur Matan Ruak ko'alia ba jornalista sira iha palasiu Prezidensial (6/2)
Foto Midia PR
Tempotimor (Dili) - Primeiru Ministru, Taur Matan Ruak, husu ba Prezidente Rejiaun Administrativu Espesiál Oekusi-Ambenu (RAEOA) atu esforsu viabiliza lalais lista membru autoridade ba Konsellu Ministru.
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
