“Empregadór Linx Employment husi Austrália, mai hasoru ha'u hodi deskuti sira-nia hakarak fó oportunidade ba ita nia joven sira. Liuliu ba kandidatu traballadór sira ne’ebé maka ita rekruta ona iha munisípiu foin dadauk ne’e,” hateten SEFOPE, Julião da Silva hafoin enkontru ho empregadór husi Austrália ne'e, Tersa (10/09/19) iha edifísiu SEFOPE, Kaikoli, Dili.

Tuir Julião, iha enkontru ne’e empregadór promete katak, banhira traballadór sira hatudu prestasaun di’ak, sira sei simu traballadóres barak liután. Tanba ne’e, SEFOPE mós husu ba joven sira presiza hatudu performa servisu ne’ebé di’ak.