"Ha'u garante sua Exelensia Prezidente Repúblika katak, desizaun saida mak PR foti, governu prontu para organiza elisoins ne'ebé mai no garante sei la'o di'ak, hanesan elisoins baibain ita halo", dehan Taur hafoin sorumutu ho PR Horta iha Palasiu Prezedensiál Nicolau Lobato, Bairo-Pite, tersa (24/01).

Tanba, eleisaun parlamentár ne’e momentu importante tebes ba povu Timor-Leste atu selebra festa demokrasia.

"Entaun ita tenke organiza didi'ak iha festa eleisaun parlamentár, nune'e bele la'o di'ak to'o fim, ha'u garante fó PR", PM Taur garante

Kona-ba data fiksa ba eleisaun parlamentár Prezidente Repúblika sei hein proposta husi governu no rona lai partidu politiku sira hafoin bele desidi.

"Loron ba Eleisaun Parlamentár ne'e depois rona tiha governu no partidu polítiku sira ne'ebé hetan asentu parlamentares no selu-seluk", nia afirma. (*)