"Agora kona-ba proposta alterasaun ne'e, difisil ba ami komisaun B, la hanesan ho tinan uluk, tanba ida ne'e kada ministériu ho instituisaun estadu simu kedas envolope fiskal, se iha US$1, entaun tenki mantein, ida ne'e ba hothotu, la'os ba instituisaun ida de'it, ami bele simu proposta alterasaun, maibé difisil, tanba atu ba buka osan iha ne'ebé," dehan Prezidente Komisaun B, José Agostinho Siqueira "Somotxo" iha PN, kuarta (19/10).
Tuir orientasaun governu nian, laiha proposta alterasaun, tanba tetu OJE 2023 ne'e boot demais, kompara ho OJE tinan kotuk.
Tanba, se halo separasaun karik orsamentu jeral estadu lolos iha billaun US$2.1, maibé hamutuk ho fundu veteranu billaun US$1, entaun valor sa'e kedas ba billaun US$3.1.
Alokasaun ida-ne'e, kada tinan sei akontese, tanba konta nafatin ho billaun US$.1, ne'ebe aloka ba fundu veternu, se governu hanoin foti OJE billaun US$1-resin mos tau hamutuk ho fundu veteran, entaun billaun US$2-resin nafatin.
Purtantu kona-bá audensia públika ba OJE tinan 2023 husi komisun B nian, konklui ona, hein de'it atu halo aprovasaun ba relatoriu pareser no sektoriál.
"Audensia públika hotu tiha ona, iha horbainrua, remata ho Sekretariu Estadu Protesaun Sivil (SEPS) ne'e mak ikus liu, relatoriu ami prepara hotu ona, ohin ami halo revizaun, aban ami aprova relatoriu pareser komisaun B," nia informa. (*)