Nune’e, hala'o mós enkontru bilaterál hodi ko'alia intensaun sira kona-bá atu aborda liutan servisu no hametin relasaun entre nasaun repúblika Indonézia ho Timor-Leste.
Ministru Francisco informa mós planu MAPKomS nian atu vizita Ministériu Komunikasaun no Teknolojia Informátika Repúblika Indonézia (Kemenkominfo) ne'ebé sei hala’o iha fulan oin mai.
"Vizita ida ne’e, alende asina nota kooperasaun ho ministériu refere, liu-liu kona-ba kapasitasaun no dezenvolvimentu área komunikasaun iha Timor-Leste," dehan Ministru Francisco hatete hafoin reuniaun ho Embaixadór Indonézia ba Timor Leste, Okto Dorinus Manik ho nia Ministru Konsulár ba asuntu Protokolár Wasikhu Sunani Ali Asrori iha Gabinete MAPKomS, Palasiu Governu, kinta (22/09).
MAPKomS mós aproveita tempu hodi hala’o vizita ba Mídia nasionál sira iha Indonézia, hanesan TVRI, Antara no media privadu balun ne'ebé sei hetan akompaña direta husi Prezidente Konsellu Administrasun Rádiu Televizaun Timor-Leste no Empreza Públika (RTTL.ep) ho Prezidente Ajénsia Notisióza Timor-Leste no Institutu Públiku (TATOLI-IP). (*)