"Ami rekomenda katak, bee moos nia ne'e tenke tau OJE pursentu lima (5) to'o sanulu (10) ba leten, tanba Assunto bee ne'e, la to'o 2%, OJE kada tinan ne'e la to'o Pursentu rua (2), ne'e preokupasaun Nasional" dehan nia bá www.tempotimor.com iha edifisiu HAK, sesta (16/09).
Tanba, durante HAK nia monitorizasaun iha Munisípiu neen (6), komunidade rihun 34 mak seidauk asesu hela ba bee moos.
"Iha HAK nia monitoring ne'e, munisípiu neen (6), Baukau, Vikeke Dili, Ainaru Aileu, Ermera, maibé Likisa no Manufahi ne'e iha Suku ida-ida, ne'e ita nia komunidade sira, rihun 34 seidauk asesu hela ba bee moos", nia afirma.
Iha Munisípiu Manufahi Komunidade balun kontinua konsumu bee mota masin no balun iha Krarás Vikeke asesu de'it ba bee mota merak.
Tanba ne'e, tinan 2023 Governu presiza aloka OJE liu pursentu sanulu ba bee mós iha Timor-Leste. (*)