“Ami ko'alia kona-ba abertura sesaun lejislativa foun, konta lejislativu foun Parlamentu nia ne'ebé sei halo iha dia 15 de Setembru. Ha'u hanoin tanba importánsia abertura sesaun legislativa ida ne'ebé Prezidente Repúblika mak sei ba loke”, dehan PPN Aniceto hafoin audénsia ho Prezidente Repúblika (PR), José Ramos Horta iha Palásiu Prezidensiál Bairo Pite, sesta (02/09).
Tanba ne'e mai fó hanoin ba Prezidente Repúblika, atu fiksa didi'ak kalendáriu ne'ebé Prezidente Repúblika iha tanba Xefe Estadu mós iha programa oioin ne'ebé husu para labele failla iha atividade abertura ida-ne'e.
Ba sesaun lejislativa dalimak ida-ne'e, Prezidente Repúblika sei halo ninia diskursu ba povu no nasaun liliu atualiza mós Xefe Estadu ninia atividade durante loron atus-ida (100).
“Prezidensia uma testu ne'e iha asuntu Estadu barak ne'ebé sira seluk koloka hanesan mensajen ida ba nasaun”, hatete nia.
Maske sesaun lejislativa ida-ne'e nu’udar desain ikus (ultimu) iha lejislatura V nian maibe parlamentu nasionál sei hala'o nafatin sira-nia funsaun tuir planu prioridade sira ne'ebé iha.
Nune'e iha tinan 2023, klaru katak tinan polítika nian hodi prepara ba eleisaun Parlamentár maibé Parlamentu Nasionál sei prioritiza bainhira Governu aprezenta inisiativa ruma atu halo alterasaun ba lei eleisaun nian.
“Ami tenke fó prióridade ba ida-ne'e no restu lei sira ne'ebé pendente ne'e ami tenke halo hotu másimu posibilidade lei barak mais balun tenke prioridade”, esplika Aniceto. (*)