“Ha’u tane Xefe Estadu Maiór F-FDTL Tenente Jenerál Falur Rate Laek nia rekomendasaun”, dehan Prezidente Repúblika, José Ramos Horta iha, Bebora, kuarta (24/08).
Tanba ne'e husu ba mídia sira di’ak-liu ba Kuartél F-FDTL hodi konfirma no husu esplikasaun husi Xefe Estadu Maiór F-FDTL, Tenente Jenerál Falur Rate Laek, tanba proposta ne’e la’ós Xefe Estadu mak mehi no halo, maibé proposta ne’e mai hosi Xefe Estadu F-FDTL atu kondekora ofisiál na’in hirak ne’e.
Nu’udar Xefe Estadu simu no kolabora ba rekomendasaun sira husi instituisaun F-FDTL nune’e sira mak hatene no klaru katak sira ida-idak ho nia kurikulum, maibé razaun ruma kle’an eis Jenerál Indonézia Hendropriyono hetan kondekorasaun ne’e Xefe Estadu Maiór F-FDTL, Tenente Jenerál Falur Rate Laek mak bele esplika didi’ak.
Purtantu iha proposta kondekorasaun ne'e F-FDTL propoin atu kondekora Xefe Estadu Maiór Jenerál Forsa Armada husi Portugál, Almirante António Manuel Fernandes da Silva Ribeiro, Xefe Estadu-Maiór Jenerál Forsa Armada hosi Commonwealth Austrália, Jenerál Angus Campbell, Xefe Estadu-Maiór Jenerál Forsa Armada Repúblika Indonézia, Jenerál Andika Perkasa, no eis-Ministru no eis-Xefe Servisu Nasionál Intelijénsia Repúblika Indonézia no Veteranu husi Operasaun Seroja, Hendropriyono. (*)