“Ida-ne'e mak ami ko'alia, rona mós breefing kona-ba instalasaun PN nian”, dehan Horta hafoin hala'o vizita ba edifísiu Parlamentu Nasionál, kuarta (17/08).

Ba prosesu inisiativa PN atu hari’i edifísiu foun ne'e, Prezidente Repúblika espera katak tinan 2023 bele hahú ona konstrusaun ba Parlamentu foun ida-ne'e.

Prezidente PN, Aniceto Longuinhos Guterres Lopes hatete, nia parte simu vizita husi Xefe Estadu hodi mai hala'o reuniaun inklui aproveita vizita mós kondisaun edifísiu parlamentu nasionál.

“Tuir loloos husi ne'e mak ba Prezidénsia Repúblika maibé Prezidente Repúblika deside nia mak hakarak mai iha Parlamentu, aproveita mós vizita haree kondisaun Parlamentu ninian ne'e mak Prezidente ohin iha ne'e”, hatete nia.

Tanba ne'e Parlamentu Nasionál mós apresia nu’udar Xefe Estadu nia hakarak, husu reuniaun iha ne'ebé de'it, atu Prezidente Parlamentu mós laiha kompeténsia ida atu dehan labele. (*)