Tuir informasaun ne’ebé www.tempotimor.com, asesu iha pájina KI, kuarta (17/08) katak, jornalista na’in-lima (5) entrega hikas Karteira Profesionál KI, iha salaun enkontru KI, Quintal Boot, Díli, iha loron segunda no tersa feira, 15-16 Agostu 2022.
Jornalista na’in-lima ne’e entrega hikas karteira profesionál hafoin hetan notifikasaun husi Konsellu Imprensa tanba sira husik ona kna’ar jornalista hodi ba hala’o servisu hanesan ofisiál relasaun públika iha Palásiu Prezidensiál, Aitarak-Laran, Díli.
Jornalista sira entrega karteira profesionál no simu direta husi Prezidente Konsellu Imprensa, Virgílio da Silva Guterres nomós Diretór DADM, Alberico da Costa Junior no akompaña husi Diretór Ezekutivu, Rigoberto Monteiro. (*)