“Ha'u hanoin Ministériu sira presiza halo jestaun tenke tau matan ida-ne'e halo didi’ak para bele poupa buat ruma ne'ebé gasta mais tenke gasta ho nesesidade, ita ba ne'e tenke iha buat ruma ne'ebé ita tenke halo labele kontribui ba buat ruma ne'ebé la produtivu hodi fó kontribuisaun ba ita-nia despeza Estadu nian”, dehan Valentin ba jornalista sira iha Salaun FONGTIL, Kaikoli, tersa (02/08).

Maske Governu hala'o nia serbisu maibé labele kontribui despeza ba orsamentu estadu nian ba viajen ne’ebé la nesesáriu atu halo.

“Ita respeita Governu halo servisu ita sei haree, viajen sira ne'e la'o tanba servisu mais ha'u hanoin, maibé tenke halo didi’ak atu labele hanesan, kontribui ba despeza ne'e boot loos, liliu kona-ba per diem sira ne'e”, afirma nia.

Ba servisu loloos iha terenu ne'e ema ida de'it nia serbisu maibé membru Governu barak mak lori funsionáriu sira iha nia Gabinete hodi gasta osan barak liuba viajen nian.

Tuir tabela ne'ebé mak www.tempotimor.com asesu husi ministériu sira katak, kada funsionáriu husi instituisaun ida sai ba Munisípiu loron ida gasta osan $40.00, enkuantu nível diretór sira kada loron halo viajen gasta osan $80.00. (*)