Ministru Prezidensia Konsellu Ministru, Fidelis Leite Magalhães hatete, ba Projetu Deliberasaun nian, ne’ebé aprezenta husi Primeiru-Ministru, Taur Matan Ruak rasik ba reuniaun Konsellu Ministru iha Ministériu Finansas, kuarta (01/06).
“Definisaun tipu prosedimentu atu adota no autoriza selebrasaun kompromisu plurianuál relasiona ho ezekusaun kontratu ne’ebé atu adjudika”, esplika Fidelis iha Ministériu Finansa, kuarta (01/06).
Ho deliberasaun ne’e, Konsellu Ministru deside hodi autoriza abertura prosedimentu aprovizionamentu nian ida, husi tipu Konkursu Públiku Internasionál, ho valór másimu US$ 13.814.201 (dolar amerikanu millaun sanulu resin-tolu, rihun atus ualu, sanulu resin haat, atus rua no ida), hodi autoriza mós Ajénsia Teknolojia Informasaun no Komunikasaun, I.P. atu jere ezekusaun Estratejia ba Implementasaun sistema Identifikadór Úniku (ID Úniku) iha rejime plurianuál. (*)