Ministériu haat ne'ebé KM delibera hodi autoriza asina akordu ho Repúblika Populár Xina mak, Ministru Transporte no Komunikasaun (MTK), José Agostinho da Silva, Ministru Koordenadór Asuntu Ekonómiku (MKAE), Joaquin Amaral, Ministra Saúde (MS), Odete Maria Freitas, Ministru Asuntu Parlamentár no Komunikasaun Sosiál (MAPKoms), Francisco Martins Jerónimo.
“Liuhusi KM ne'e, ita delibera hodi autoriza MTK, atu negósia akordu ida Servisu Aéreu nian sira entre Governu Repúblika Populár Xina no Governu Repúblika Demokrátika Timor-Leste, nomós delibera hodi fó podér tomak ba MKAE, hodi asina akordu Kooperasaun Ekonómika no Téknika entre Governu Repúblika Populár Xina no Governu Repúblika Demokrátika Timor-Leste, delibera mós hodi fó podér tomak ba MS hodi asina akordu ida iha área Saúde nian entre Governu Repúblika Populár Xina no Governu Repúblika Demokrátika Timor-Leste, nune'e mós delibera mós hodi fó podér tomak ba MAPKomS, hodi asina akordu ida ho Administrasaun Rádiu no Televizaun Nasionál Repúblika Populár Xina”, Esplika Ministru Prezidénsia Konsellu Ministru (KM), Fidelis Manuel Leite Magalhães, iha auditóriu Ministériu Finansas, Aitarak-Laran, kuarta (01/06).
Aleinde ne'e mós, Konsellu Ministrus delibera hodi fó podér tomak ba Ministru Asuntus Parlamentares no Komunikasaun Sosiál (MAPKomS), Francisco Martins da Costa Pereira Jerónimo, hodi asina akordu ida entre Governu Repúblika Populár Xina no Governu Repúblika Demokrátika Timor-Leste ba kontinuasaun prosesu dijitalizasaun Rádiu no Televizaun Timor-Leste no ba faze daruak projetu televizaun dijitál terrestre. (*)
