“Ohin ami hasoru malu ho na'in Prezidente ami ko'alia kona-ba susar no hakerek ne'ebé durante ne'e ita halerik. Liliu kona-ba TLPU durante ne'e laiha fatin, sé laiha fatin laiha identidade, tanba ne'e mak ita hato'o ba na'in Prezidente kona-ba buat ne'ebé mak ita hasoru”, dehan nia hafoin audénsia ho PR Horta iha Palásiu Prezidensiál, Bairopite (31/05).
Dadauk TLPU foti inisiativa hasoru malu ho Prezidente Repúblika la'ós tanba sira-nian lian maibé atu ko'alia Jornalista sira-nia lian.
Tanba dala barak hakerek na'in sira durante ne'e sempre ko'alia no hato'o bebeik sira-nia susar ba Governu maibe lá tau atensaun.
Nune’e Prezidente Repúblika promete sei tau atensaun ba jornalista sira-nian preokupasaun liliu Jornalista sira ne'ebé destakadu iha palásiu prezidensiál.
Ho ida ne’e, sira sei tau atensaun liliu komputadór wi-fi nomós bele prepara mós ai-hán ruma meudia nian ba jornalista sira ne'ebé loroloron hala'o servisu palásiu Prezidente Repúblika. (*)