“Ne'e hanesan lisaun boot ida, di'ak ba demokrasia, ne'e mós hanesan inspirasaun fó todan boot ba ha'u, para halo buat hothotu iha ha’u-nia kapasidade, tuir poder, para labele failla, labele ameasa no traisaun fali ba povu nia komfiansa no povu nia espetativa sira-nia hakarak”, dehan Horta iha Sede kandidatura José Ramos Horta, Ai-Mutin, kinta (21/04).

Tanba povu nunka husu barak, maibé haree ba esperiénsia rasik tinan sanulu nia laran halo vijita ba aldeia sira dalabarak povu la husu buat barak no boot maibé husu buat ne’ebé importante ba sira-nia nesesidade.

“Tinan liman oin mai ne'e, prezidente ho nia kna’ar buka serbisu metin ho maun Xanana ho líder nasionál sira, partidu politika iha parlamentu ou iha liur (estranjeiru), liliu Grupu Arte Marsiál no Arte Rituál no Xefe Suku ho Xefe Aldea, ho ita-nia intelektual sira, universitáriu, setór privadu, para oinsá ita bele hakmatek liután, haklean dame iha Rai ida ne'e, haklean hametin ita-nia konstituisaun demokrátiku”, hatete Horta. (*)