Diretór STAE Munisípiu Baukau, Lucio Salvador Freitas, hatete, funsaun lista paralelu tuir lei orgaun eleitóral Nu.15/2021 artigu 31 B Nu.06 tenke vota iha Dili tuir lista paralelu.
Sentru Votasaun paralelu iha Dili ba eleisaun prezidénsial segundu volta kontinua funsiona ba eleitóres pur-volta 4.035 ne'ebé antes ne'e, rejistu ona, tanba ne'e labele tuir fali votasaun iha sentru votasaun normal.
"Ita labele fasilita sira vota fali iha ne'e, tanba ita fasilita fali sira vota iha ne'e ita viola fali lei eleitóral ne'e ", afirma Lucio iha kna'ar fatin, tersa (19/04).
Eleitór balun hatete rejistu tiha iha sentru votasaun paralelu, maibé to'o ikus naran laiha lista atu vota, maibé Diretór STAE Baukau la fiar.
"Sé naran la sai ne'e, problema ne'e nasionál, la'os mai fali Munísipiu, tanba lista ne'e emprime iha nasionál, rejistu mós iha nasionál," nia hakotu (*)
