"Urnas ne'e, kada estasaun votu ita fó rua, entaun ita iha 300 urnas mak sai husi ne'e (fatin STAE Baukau), tanba iha estasaun votu 150 multiplika por dois, entaun ita iha 300 urnas" dehan Diretór STAE Baukau, Lucio Freitas Salvador iha kna'ar fatin, segunda (18/04).
Transporte ne'ebé tula urnas ba kada sentru votasaun kompostu husi transporte aluger 13 no apoiu husi diresaun patrimoniu estadu 9, parte modernizasaun apoiu transporte 3, inklui parte Programa Nasionál Dezenvolvimentu Suku (PNDS) no liña Minisitéirial destaka iha Baukau.
"Karreta ne'e kuaze 40-ital mak apoiu iha prosesu eleisaun ne'e, karreta sira ejiste iha Munísipiu Baukau inklui STAE nian," nia hatete
Transporta matérial siensetivu no nonsiensetivu ba kada sentru votasaun, STAE Baukau mós prepara terpal, plastiku hamutuk 125 atu asegura matérial husi udan.
Tuir planu STAE Baukau sei destaka nia membru brigadista na'in-ida kada sentru votasaun hamutuk ho poling staf, maibé depende ba estasaun votasaun, sé iha estasaun votasaun ida kompostu ema na'in-10 inklui Prezidente sentru votasaun na'in-ida hamutuk na'in-11.
Enkoraja eleitóres 96.207 iha Baukau laran hotu, atu ezerse direitu liuhusi votus ida determina futuru ba periodu tinan-5 nian.
"Nu’undar orgaun eleitóral organiza eleisaun ida ne'e, husu ba eleitóres sira vota ho konsiensia i vota ho loloos, tanba ita hein durante loron tomak ida, mai ita nia votu sai nulu de’it ita nia sentimentu ne'e oinsá, ita vota dala ida determina ba tinan-5, tanba ne'e tenke iha konsensia didiak”, nia apela
Apela mós ba eleitóres sira atu vota ho segredu, tanba tuir lei, eleitór ne’ebé tenta hasai fotografia iha kabiña laran, sei kumpre sasaun pena ou multa tinan-ida.
"Ha'u ladun fiksu ona, maibé iha kodigu penál ne'e hahú husi 229 to'o iha 342 ko'alia kona-ba krime eleitóral, entaun nia kontempla iha ne'eba entre artigu sira ne'ebé ha'u mensiona”, nia afirma
Oráriu husi STAE ba eleisaun segunda volta, iha loron 19 fulan-abril tinan-2022 (aban), kada sentru votasaun eleitóres sei forma hahú tuku 7:00 oras timor-leste (otl) dader to’o tuku 03:00 otl loraik.
Entertantu eleitóres husi Baukau hamutuk 96.207 mak sei partisipa iha eleisaun Prezidénsial segundu volta iha sentru votasaun hamutuk 125, ho nia estasaun votasaun hamutuk 150. (*)
