"Mais ba kampaña ne'e rasik saída mak ita hakarak?, Primeiru ita hakarak paz no dame, estabilidade, e amu liurai administradór sira, autoridade sira ita-boot sira iha papel ida, ita-nia oan Estudante sira iha papel ida hametin paz estabilidade, tanba nasaun ida presiza paz no estabilidade”, dehan Taur iha kampu Aiteas Manatutu, kinta (06/01).

Tanba preparasaun ba eleisaun Prezidensiál ne'ebé mak Prezidente Repúblika sei dekreta sai loron, no kandidatura sira sei halo kampaña iha territóriu hotu hodi husu komunidade sira nia apoiu.

"Kuandu Prezidente Repúblika dekreta katak loron hanesan fó sai atu kandidatu sira komesa sai rejista-an to'o tempu sira kampaña hatete ba sidadaun sira, saida mak nia sei halo, kontribui tuir kna’ar ne'ebé nia halo, iha ne'e fó kbi’it ba ita-boot sira hili ida ne'ebé mak ita-boot sira katak tau matan ba ita-nia nasaun lima tuir”, hatete nia.

Primeiru Ministru hakarak, eleisaun iha tinan 2022 la'o ho di'ak no labele hamosu problema, no husu komunidade nia partisipasaun másimu iha eleisaun prezidensiál ne'e rasik.

Tanba nasaun sira iha mundu tinatinan sira halo avaliasaun kona-ba performasaun, prestasaun demokrasia, kuandu partisipasaun másimu demokrasia la'o di'ak loos. (*)