Ministru Jerónimo hato'o lia hirak ne'e hodi responde ba preokupasaun ne'ebé lansa husi Konsileiru no atual prezidente Radio Komunidade Ili-Wai iha edifísiu radio Ili-wai Manatuto, Tersa (15/12).
Ministru ne’e hatutan, liga ho orientasaun ne’ebé fó ona, maka MAPKOMS rasik mòs garante iha 2021, CEFTEC sei fóka uluk Fórmasaun lian portugés ba nível munisípiu nune'e oinsa mak ema ne'ebé hakarak sai funsionáriu ka jornalista, bele hatene no hakerek notísia.
"Kona-ba formasaun, ha’u mai vizita Rádio Komunidade Ili-wai Manatuto, ha'u ko'alia ona ho diretór CEFTEC ne'ebé fó fórmasaun kona-ba jornalizmu nian hanesan língua portuguesa inklui ho fórmasaun ba mídia oficer ba nível munisípiu sira,"nia dehan.
Kona-ba jornalista ne’ebé hakarak atu asesu ba sentru fórmasaun lingua ne'e Nia haktuir teknikamente jornalista sira hakerek nutisia ho kualidade ona maka fóin simu teste para bele kontinua tuir fórmasaun kona-ba língua.
Nune'e nia sujere iha tinan 2021, jornalista sira husi rádiu komunidade ema nain ida tuir fórmasaun língua portuguesa ba nível báziku iha Dili, hodi eleva liután sira-nia kapasidade no konesimentu oinsa bele transmiti notísia portugés ba sosiedade.
"Ida-ne'e, ha'u garante sei realiza fórmasaun ba jornalista sira iha munisípiu, se sira la hala'o mak ha'u rasik mak sei tún hodi dudu, tanba rádiu komunidade sira tenke tama ba porsaun ne'e", nia deklara. (*)