Koordenador ékipa taskforce Baukau, Adolfo Dias Marçal hatete, deteta kazu covid-19 ne’e, bainhira pasente lori hela nia oan (bebe) ba konsulta iha eis óspital tirilolo.
"Kazu foun covid-19 deteta iha eis Ospitál Tirilolo, dadaun halo hela auto izolamentu iha uma, nia feto ne'ebé nia bebe mós sei susu, halo swab ho bebe nia inan hotu dala ida, ida deteta pozitivu, bebe nia komfirmasaun PCR ita haruka ona ba nasionál halo deteksaun iha ne'eba, ida ne'e ita halo RDT de'it," dehan Adolfo iha kna'ar fatin, kinta (03/02).
Pasiente Covid-19 ne'e, seidauk simu vasina doze primeiru, nune’e ékipa sei kontinua buka tuir kontaku besik sira hodi halo swab.
Maske seidauk simu vasina, maibé ékipa sira sei halo akonsoliasaun ho sidadaun ne'e, atu bele simu vasina hodi hasa'e uminidade hasoru variante sira.
Munisípiu Baukau seidauk rejista kazu Omicron, maibé rejistu fali tán kazu covid-19, tanba ne'e prontu nafatin apoiu Sentru Integradu Jestaun Krize (CIJC-sigla portugues) nasionál hodi kombate.
Nafatin enkoraja komunidade sira ne'ebé seidauk simu vasina atu hakbesik aan ba sentru saúde sira hodi simu vasina, nune'e bele aumenta imunidade.
"Ne'e ita la hakfodak ona, tanba ba Baukau vasina ita iha ona pursentu 84 resin, ne'ebé ita hateten maioria sei protezidu, tanba hetan ona vasina,"nia afirma (*)