"Iha fatin ida ne'ebé konstrusaun foun ida iha Vera Cruz nia sorin, iha ne'ebá mós ami ense tan kama iha ne'ebá atubele hatan ba situasaun sira”, dehan MS ba Jornalista sira iha palásiu governu, kuarta (19/01).
Tanba Sentru Saúde Vera Cruz no Sentru Saúde internamentu Formoza, nia volume nakonu ona nune'e ekipa saúde prepara tan fatin OPD iha besik Sentru Saúde Vera Cruz.
“Ami foti desizaun uza Vera Cruz, sai hanesan OPD, atubele hatan ba pasiénte dengue nian ida ne'e ita halo hela, depois, Sentru Saúde internamentu Formoza nian mós hanesan ita uza fatin ne'ebá atubele, fó atendimentu no fó atensaun ba pasiénte sira ne'ebé mak sira-nia disgnóstika ba kazu dengue moderadu sira bele Baixa iha ne'ebá”, afirma nia
Maibé Ministériu seidauk hatene kama hira mak atu oferese ba fatin foun OPD, maibé iha Vera Cruz kama hamutuk 85 hodi atende pasiénte.
Alende Ministra Saúde mós husu ba komunidade atu redúz moras dengue presiza mós hamoos iha uma laran inklui mós hari’is fatin sira, atu komunidade sira labele afeita ba moras dengue. (*)
