"Hahú husi fulan-outubru to'o fulan-novembru iha fulan rua nia laran ne'e bebé ne'ebé moris mane hamutuk 82 feto feto hamutuk 75”, dehan Responsável Sala Maternidade HoREX Baukau, Bernardina Freitas Marçal Bernardina, sesta (16/12).

Nia dehan, rejistu mós bebe mate iha inan nia kabun laran hamutuk na'in-5 ne’ebé kompostu husi feto na'in-2 no mane na'in-3.

Totál inan isin-rua ne'ebé durante fulan rua nia laran partus iha sala maternidade HoREX Baukau hamutuk na'in-153 no iha inan na'in-4 mak partus hetan bebe kaduak.

Nune'e mós inan isin-rua sira ne'ebé partu iha sala maternidade HoREX Baukau mai husi Postu Administrativu-6 iha Munisípiu Baukau, inklui Munisípiu Vikeké no Lautein.

"Transaferensia husi Munisípiu no Postu sira ne'e, tanba inan sira kondisaun la provavel para sira partus iha Ospitál, dala ruma mós iha komplikasaun seluk, tanba ne'e deside mai iha ne'e", katak nia

Sala maternidade HoREX Baukau rasik iha difikuldade kona-ba ékipamentus hanesan partus set, nune’e hato'o ona pedidu ba nasionál, maibé ladauk iha resposta.

"Ékipamentus hanesan tizora sira kleur ona, kada vez mai la kro'at ona bainhira uza tesi bebe nia husar", nia hatete. (*)