"Totál óbitu ne’ebé relata ohin 26 Agostu 2021 na'in-4 (haat), feto ho idade tinan 65 Timoroan  hela iha Dili,  seidauk vasina iha 24    Agostu    2021diagnóstikadu    sindroma insufisiénsia respiratória aguda (SIRA) tanba Covid-19, no hahú halo tratamento iha Vera    Cruz iha loron ne’e kedas.Totál óbitu na'in-56", informa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui    Maria de Araújo, liuhusi komunikadu imprensa, kinta (26/08).

Matebian iha mós istória sofre moras tuberkuloze, hipertensaun ho diabetes. Iha loron 26 fulan-agustu dader 03h30 matebian iis-kotu.       

Matebia Mane ho idade tinan 69 Timoroan hela iha Dili, simu ona vasina doze kompletu, iha 23 Agostu 2021 diagnóstikadu    sindroma insufisiénsia respiratória aguda  (SIRA) tanba  Covid-19 no hahú halo tratamento iha Lahane. Matebian iha mós istória stroke hemorájiku. Iha dader 04h30 matebian iis-kotu.

Iha mós mane ho idade tinan 69 Timoroan hela iha Dili, seiduak simu vasina, iha 26 Agostu 2021 diagnóstikadu sindroma insufisiénsia respiratória aguda (SIRA) tanba Covid-19. No iha dader 02h00    matebian iis-kotu.   

Nune'e Mane ida ho idade tinan 23 Timoroan, hela iha Vikeké,    seiduak simu vasina iha 25 fulan-Agostu 2021 diagnóstikadu sindroma insufisiénsia    respiratória aguda (SIRA) tanba Covid-19. Iha dader atu transfere mai Vera Cruz liuhusi ambulánsia aérea, maibé    metebian iis-kotu tuku 10h45    dader, iha dalan ba aeroportu Vikeké, Matebian iha mós istória sofre moras tuberkuloze.

Família koordena hela ho ekipa saúde sira atu hala’o funeral    tuir protokolu ne’ebé adopta iha Timor-Leste. (*)