Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu foun 187 (iha Dili 77, Covalima 63, munisípiu seluk hamutuk 47), mane 106, feto 81 ho idade tinan <20:62 (23,8%) ho idade entre tinan 12-59 na'in-119 (63,6 %) ho idade 60 na'in-6, 125 kazu ka 66,8% mak sintomátiku (hatudu sintomas).

“Husi kazu detetadu foun ohin 40 (21,3%) iha ona vasina kompletu no 56 (30,0%) hetan ona vasina doze dahuluk, kazu ativu 3.383 no otál kazu konfirmadu kumulativu iha 23 Agostu 2021 (sura husi 21 Marsu 2020) hamutuk 14.403”,deklara Rui liuhusi komunikadu imprensa, segunda (23/08).

Hahú husi loron 22 to’o 23 Agostu, hamutuk hotu Laboratóriu Nasionál Saúde (LNS) halo 238 testes PCR iha Dili, ho detalla hanesan Vijilánsia sentinela 1, Rastreiu ba kontaktu (Contact tracing) 106, Rastreiu Aleatóriu (Random Screening) 23, Viajen sai husi serka sanitária munisípiu Dili 99, Viajen internasionál 4 no follow up iha kuarentena 5.

Rezultadu testes PCR ne’ebé halo iha loron 22 Agostu iha munisípiu sira seluk REAOA ho HNGV, hamutuk 354 ho detalla hanesan Baukau 56, Ermera 0, Maliana 30, Maubisse 34, RAEOA 28, Suai 84, Vikeké 11, Lautein-Lospalos 7 no HNGV 104. (*)