Print this page

Molok Implementa Vasina Kontra Covid-19, MS Sei sensibiliza Uluk Povu

By February 22, 2021 614

Tempotimor (Dili)- Molok implementa vasina Astrazeneca's kontra Covid-19 iha rai laran, Ministériu Saúde (MS) sei dizimina informasaun ou introdus ninia benefisiu ba komunidade hotu.

Vise-Kordenadóra Forsa Tarefas Prevensaun no Mitigasaun Covid-19, Odete da Silva Viegas afirma, tipu vasina ne’ebé governu Timor-Leste aprova ona maka Astrazeneca's.

"Ministéreiru Saúde hamutuk ho parseiru sira ba kombate Covid-19 nian implementa ona advokasia kona-ba introdusaun vasina iha Timor-Leste 15 fevereiru liubá", dehan Odete iha Sentru Integradu Jestaun Krizi (SIJK), merkadu lama, sabadu, (20/02/21).

Advokasia ou dezimina informasaun ne'ebé Ministériu Saúde hala’o ona ne'e, sei to'o fulan abril tinan 2021, molok lansamentu ba vasina Astrazeneca's.

Tanba ne'e, parte Ministériu Saúde husu ba entidades hotu, atu kolabora ho profisionál saúde sira hodi bele hetan benefisiu husi vasina refere.

"Husu ba entidades relevantes, populasaun sira atu kolabora ho profesiónal sira, sei hato'o informasaun, dizeminasaun informasaun sobre vasina ne'e rasik, nia benefisiu, vantagem ne'ebé maka sei fó ba ita hotu-hotu", informa Odete. (*)

Rate this item
(0 votes)
Last modified on Monday, 22 February 2021 00:18
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items