Diretór Administrasaun Finansas Lojistuku HoREX Baukau, Jaime Araujo de Jesus, hatete, kosntrusaun husi forsa navál EUA iha Timor-Leste (TL) durasaun tempu fulan-2, tanba hahú lansa fatuk dahuluk iha loron 10 fulan-dezembru tinan-2021, maibé hahú konstrusaun lolos iha fulan-janeiru tinan-2022.

"Pursentu 90-ital iha ona, listrik mak balun seidauk hotu, hela de'it ida ne'e mak seidauk," dehan Jaime iha kna'ar fatin HoREX, segunda (21/03).

Nune'e, Xefe Kontrolu Kualidade no komunikasaun sosial HoREX Baukau, Claudino Ximenes afirma, konstrusaun ne’e, bele responde ona ba pesoal saúde sira nia servisu iha HoREX Baukau ne’ebé durante tinan-2 preukupa ba sala ICU.

Tanba, sala ICU refere bainhira funsiona, sei garante la halo transferensia pasiente ne'ebé moras grave ba Ospitál Nasionál Guidu Valadares (HNGV-sigla portugés) Dili.

"Durante ne'e, iha kazu todan halo transfere ba Dili, entaun dala barak ita hasoru problema barak, pasiente ne'ebé kondisaun todan tuir dalan ho karreta dala barak ita lasalva, maibé espera ida ne'e fó benefisiu ba povu Baukau, liu-liu povu rejiaun leste nian, atu kazu todan liu ne'e, ita bele ona tau iha ne'e, tanba ékipamentu mós preparadu hela atu instalasaun iha laran de'it," nia akresenta

Dadaun konstrusaun ba sala ICU iha HoREX Baukau, atinji ona pursentu 90 resin, tanba hela de'it halo instalasaun ba listrik, ho tán uma koradór ne'ebé atu lori pasiente husi sala seluk ba sala ICU hodi satan loron manas no udan.

“Instalasaun ahi-listrik no uma kotadór atu satan udan no loron manas nian, bainhira transfere pasiente husi sala seluk ba ICU, ne'e mak seidauk kompletu, maibé ita hato'o ona pedidu ba Minisitéiru Saúde tempu badak sei halo kompleta," nia argumenta

Ékipamentu ne'ebé dadaun prepara atu halo instalasaun mak, Ventilatór, mákina monitór, inklui matérial pesoal saúde nian seluk.

Orsamentu ba konstrusaun sala ICU iha HoREX Baukau, MS hetan apoiu husi doadores embaixadór Estadus Unidos Amérika (EUA).

Enkuantu uma refere nia medida 12X9 kompostu sala pasiente 10, durasaun konstrusaun durante fulan-3, hahú fulan-dezembru tinan 2021 no remata iha fulan-marsu tinan 2022.

Entetertantu kontribui orsamentu husi EUA, iha fulan-setembru tinan 2021, ne’ebé anunsia ona asisténsia adisionál millaun $2.3 hodi ajuda Timor-Leste luta hasoru COVID-19 no haforsa segúransa saúde, inklui harii fasilidade saúde ba salva vida nian. (*)