“Ne'ebé maizumenus ida fundu Covid-19 nian la'o tiha ona, ne'e públiku hotu hatene ne'e komplexu e ita presiza halo servisu maka’as atu to'o iha konkluzaun ne'ebé ke di'ak, ida ne'e ita la'o tiha ona, ne'e foun”, dehan nia iha edifísiu Tribunál Rekurau (TR), Kaikoli, kuarta (16/02).
Ba prosesu auditória ne'ebé Tribunál Kámara Konta halo ba Fundu Covid-19 ne'e hanesan auditória foun ida ne'ebé agora la'o hela.
Aleinde Tribunál Kamara konta mós halo auditóriu hela apoiu balun ne'ebé parseiru bilateral ida fó ba Governu tau iha programa Sesta Bázika.
Iha tinan 2021, Tribunál Kámara Konta mós hala'o prosesu auditória ba Estatal, maibé ne'e agora hela prosesu, nomós auditória ba impréstimu ne'ebé impresta husi ADB no Banku Mundiál, hodi halo Estrada iha Timor-Leste.
Nune'e mós auditória ba Parlamentu Nasionál inklui Rejiaun Administrtiva Espesial Oekussi Ambeno (RAEOA) no Zona Espesiál Ekonómiku Merkadu Sosiál (ZEEMS), ne'ebé agora dadauk la'o hela.
“Ida ne'e mak auditória ne'ebé agora la'o hela iha tinan ida ne'e, espera katak antes fin du ano ne'e buat sira ne'e kompletu ona aprova”, hatete nia.
Enkuantu ko'alia kona-ba ZEEMS ne'e buat hothotu iha laran, inklui kontratu Ró Berlin Haksolok, ne'ebé Tribunál Kámara auditória hamutuk de'it no labele haketak. (*)