Iha julgamentu ne'e Ministériu Públiku akuza arguidu FCS ho pena prizaun tinan 8 to'o 20 tuir kodígu penál Timor-Leste artigu 138 ho kazu omesidu simples.

Defensór Públiku, José Delima hatete, motivu kazu Omesidu Simples ne'e akontese, tanba konfrontu entre grupu sira, nune'e komunidade husu ajuda ba suspeitu ne'e halo atusaun no suspeitu rasik fó atensaun ba joven sira, maibé kontinua atake malu, nune'e suspeitu tiru test ba dala haat, maibé grupu sira kontinua aperta, entun suspeitu OPS tiru ameasa husi alkatraun mak kilat musan konsege kona tiha fali vítima ida nia ain kanek.

"Ba dala lima, nia tiru tanba razaun grupu balun iha hela kotuk, kuandu nia hateke fila ba kotuk grupu sira rabat nia nakukun tan, entaun nia mós sente laseguru entaun nia fila foti desizaun hodi tiru, maibé intensaun atu oinsa atu aliza vítima ne'e, maibé prontu parese deskuidu kona nia vítima mós hakotu nia iis iha momentu ne'eba", nia esplika.

Hanesan parte defeza sei halo rekursu depois de loron 15 mak haree desizaun husi MP.

Razaun parte deféza halo rekursu, tanba parte deféza haré la devia ba aplika pená Omesidu Simples ne'e ba suspeitu, tanba suspeitu ne'e halo auto deféza iha momentu ne'eba hala'o servisu seguransa nian.

"Haree situasaun ne'e nia tenke asegura nia-aan asegura mós komunidade ne'eba, prontu, deskuidu", nia dehan.

Deféza husi suspeitu ne'e afirma, artigu ne'ebé mak atu aplika ba suspeitu ne'e, lolós artigu 140 Omesidu niglejente, falta de kuidadu, maibé Ministériu Públiku akuza suspeitu ho Omesidu Simples artigu 138 kodígu penál Timor-Leste pena prizaun tinan 8 to'o 20 ne'e MP nia papél.

Prezide iha julgamentu ne'e, Juiz Doutora, Florensia Freitas, Ministéiru Públiku, Bartolomeo Araujo, parte deféza ba suspeitu defensór públiku, José Delima. (*)