“Auditória ida ne'e abertura apartir de ohin to'o segunda ou até tersa. Fo aprezentasaun unidade orsamentál ho unidade orgániku iha PN ninian, para auditória sira ho kamara de kontas bele hala'o auditória durante loron 4 iha Parlamentu. Ba Parlamentu nian de'it iha área fundamental rua mak sira mai halo auditoria, jestaun finanseiru ho rekursu umanu”, dehan Sekretáriu Jerál Parlamentu Nasionál (SJPN), Adelino Afonso de Jesus iha Parlamentu Nasionál, kuarta (21/07).
Haree ba prosesu auditória ne'ebé hala'o sei foka liubá área jestaun finanseiru no rekursu umanu ne'ebé Parlamentu Nasionál halo durante tinan tolu hahú husi 2017 to'o 2019.
Enkuantu atividade auditória ne'e sei la envolve ho kazu karreta prado sira ne'ebé eis deputadu lejislatura datoluk seidauk entrega ba Parlamentu Nasionál. (*)